.png)
To better serve you, we are implementing significant upgrades on our sites. You may experience inconsistency in accessing some sections.
કાઠિયાવાડમાં કોક દિ, ભૂલો પડ ભગવાન, તું થા મારો મહેમાન, તને સરગ ભુલાવું શામળા.’ ગુજરાતમાં મહેમાનગતિ એ સંસ્કૃતિ છે, જીવતરનો હિસ્સો છે. અહીં કોઇ મહેમાન આવે તો તેને ‘ભલે પધાર્યા’ કહેવાય છે તો મહેમાન જાય ત્યારે કહે છે કે, ‘આવજો’. ફરી આવવાનું આમંત્રણ અપાય છે. ગુજરાત પર્યટનક્ષેત્રે પણ આ પરંપરા જળવાઇ રહી છે. 27મી સપ્ટેમ્બરે વિશ્વ પ્રવાસન દિવસ ઉજવાય છે. થોડા સમય અગાઉ કેન્દ્ર સરકારના ઈન્ડિયા ટુરિઝમ સ્ટેટિસ્ટિક્સ-૨૦૨૩ રિપોર્ટમાં આ વાત સાબિત થઇ હતી. આ અહેવાલ પ્રમાણે, ગુજરાતે વિદેશી પ્રવાસીઓના આગમન મામલે દેશમાં પહેલું સ્થાન અને સ્થાનિક પ્રવાસીઓની સંખ્યામાં દેશમાં પાંચમું સ્થાન મેળવ્યું હતું. વિદેશી પ્રવાસીઓની સંખ્યામાં ગુજરાતનો હિસ્સો દેશમાં 20.70% સાથે સૌથી વધુ રહ્યો હતો. નોંધપાત્ર બાબત એ હતી કે 2013થી લઇ 2022 સુધી વિદેશી પ્રવાસીઓના આગમન મામલે ગુજરાત ટોપ-10માં નહોતું આવતું જે 2022માં સીધું જ પ્રથમ ક્રમે આવ્યું. સ્થાનિક પ્રવાસીઓની સંખ્યામાં ગુજરાતનો હિસ્સો 7.85% સાથે દેશમાં પાંચમા સ્થાને રહ્યો હતો. સ્થાનિક પ્રવાસીઓ મામલે 2013માં 8મા રેન્ક પર હતું, 2014માં ગુજરાત ટોપ 10માં નહોતું. 2015થી 2019 સુધી 9મા ક્રમે આવતું ગુજરાત 2022માં પાંચમા ક્રમે આવી ગયું હતું. .... Sont
