.png)
To better serve you, we are implementing significant upgrades on our sites. You may experience inconsistency in accessing some sections.
19 Jul 2021
રાજકોટના ઢેબર રોડ પર આવેલા નારાયણનગર-12માં રહેતાં ખોડિયાર ટ્રાવેલ્સના સંચાલક ભોલુગીરી ભાણગીરી ગોસ્વામીએ સુરતના ઇર્શાદ કાળુભાઇ પઠાણ અને હોશાંગ વાય ભગવાગર સાથે મળી ટ્રાવેલ્સ બસની હયાતી ન હોવા છતાં માત્ર એન્જિન-ચેસીસ નંબર ઉભા કરી બોગસ આરસી બુકો બનાવી હતી. જેના આધારે રાજકોટ, અમદાવાદ, વડોદરાની ખાનગી બેંકો, ફાયનાન્સ પેઢીઓમાંથી રૂ. 4 કરોડ 6 લાખ 20 હજારની 28 લોન લઇ બાદમાં બેંકને લોન ભરપાય ન કરી કૌભાંડ આચર્યું હતું. જેનો પર્દાફાશ શહેર SOGની ટીમે કર્યો છે. આ મામલે પોલીસે ભોલુગીરીને ગોસ્વામીને ઝડપી લીધો છે. જ્યારે સુરતના એક શખ્સનો જેલમાંથી કબ્જો મેળવવા તથા અન્ય આરોપીને પકડી પાડવા તપાસ હાથ ધરી છે.
