.png)
To better serve you, we are implementing significant upgrades on our sites. You may experience inconsistency in accessing some sections.
સુરતના કડોદરામાં 12 વર્ષના બાળકનું કેટલાક શખસો રિક્ષામાં અપહરણ કરી ગયા ને તેના પરિવાર પાસેથી 15 લાખ રૂપિયાની ખંડણી માંગી. પરિવારની આર્થિક સ્થિતિ સારી નથી અને મોટી રકમ ચૂકવી શકે તેમ ન હોવાથી ખંડણીની રકમ આપી શક્યા નહોતા. અપહરણના બે દિવસ બાદ બાળકનો મૃતદેહ મળી આવતાં પરિવાર પર આભ તૂટી પડ્યું છે. સુરત જિલ્લાના કડોદરામાં 12 વર્ષનો બાળક બે દિવસ પહેલાં ટ્યૂશનથી પરત ફરી રહ્યો હતો. તે દરમિયાન કેટલાક શખસો બાળકનું રિક્ષામાં આવી અપહરણ કરી ગયા હતા. જે બાદ તેના પરિવારને ફોન કરી 15 લાખ રૂપિયાની માંગણી કરી હતી. પરંતુ પરિવાર આર્થિક રીતે સ્થિર ન હોવાથી તે તોતિંગ રકમ ચૂકવી શકે તેમ ન હતો. જ્યાં અપહરણના બે દિવસ બાદ બાળકનો ઝાંડી-ઝાંખરામાંથી મૃતદેહ મળી આવ્યો. શિવમ ટ્યૂશન ક્લાસમાં ગયો હતોડ્રાઈવિંગનો ધંધો કરી પરિવારનું ગુજરાન ચલાવતા સુધીરકુમાર દુલનારાયણે પોલીસ ફરિયાદ આપતાં જણાવ્યું હતું કે, હું મારા બાળક અને પત્ની સાથે કડોદરા ખાતે રહુ છું. મારાં બે સંતાનોમાં સૌથી મોટો દીકરો અમરેન્દ્ર ઉર્ફે શિવમ (12 વર્ષ 6 મહિના) શ્રીનિવાસ સોસાયટીમાં આવેલી વિદ્યાભારતી સ્કૂલમાં ધોરણ 5મા અભ્યાસ કરે છે. બપોરે 12 વાગ્યાથી સાંજના પાંચ વાગ્યા સુધી સ્કૂલે અભ્યાસ કરવા અર્થે ગયો હતો. જ્યાંથી તે સાંજના સાડા પાંચથી સાડા સાતના અરસામાં ક્રિષ્ણાનગર ખાતે રહેતા રજનીશભાઈને ત્યાં ટ્યૂશન ક્લાસમાં ગયો હતો.
