.png)
To better serve you, we are implementing significant upgrades on our sites. You may experience inconsistency in accessing some sections.
31 Aug 2021
વડોદરામાં શ્રાવણના સરવડા અને ભાદરવો ભરપૂરના એંધાણ આપતા મેઘરાજા મોડી રાત્રે શહેરમાં મન મૂકીને વરસ્યા હતા. કૃષ્ણ જન્મોત્સવની પૂર્વ રાત્રે પ્રચંડ ગાજવીજ સાથે એક કલાકમાં સાડા ત્રણ ઇંચ (88 મિ.મિ.) ઉપરાંત વરસાદ વરસ્યો હતો. અમીતનગર શિવાશિષ સોસાયટીના એક મકાન ઉપર લગાવેલા સોલાર રૂફટોપના મિટરમાં વીજળી પડતા બળીને ખાક થઇ ગયો હતું. જોકે, કોઇ જાનહાનિ થઇ નથી. આ ઉપરાંત સમગ્ર જિલ્લામાં પણ 2 મિ.મી.થી એક ઇંચ જેટલો વરસાદ વરસ્યો હોવાના અહેવાલ સ્થાનિક પૂર નિયંત્રણ કક્ષામાંથી મળ્યા હતા. લાંબા સમયના વિરામ બાદ અને અસહ્ય ઉકળાટ બાદ વરસેલા વરસાદથી શહેર-જિલ્લા વાસીઓએ રાહત અનુભવી હતી.
